अरे धरमा धरमा
संत बहिणाबाईंना वंदन करून,
अरे धरमा धरमा, जसा सुरा दुयधारी ।
कधी मनाले फुंकर, कधी बोचतो जिव्हारी ।।
अरे धरमा धरमा, रिता खेळ म्हणू नाही ।
मंदिराच्या मुरतीला, धोंडा कधी म्हणू नाही ।।
अरे धरमा धरमा, नको दुज्याचं गाऱ्हाणं ।
अरे परक्याच्या देवा, म्हणू नकोरे लोढणं ।।
अरे धरमा धरमा, दुज्याचं मोजणे सोडं ।
आधी मनामध्ये कडू, पुन्हा वाटेल रे गोडं ।।
असा धरमा धरमा, ज्याले कळाले वागणं ।
वसे देवाचे पायाशी, फिटे जीवाचं पारणं ।।
- गिरीश घाटे
